Kuongezeka kwa usiku, ndiko kukaribia kwa asubuhi

Wakati wana wa Israeli wakiendelea na safari ya Kuelekea Kaanani tangu walipotoka Misri
Sasa walipofika kwenye mlima Sinai, Mungu alimwita Mussa afike mlimani kwa ajili ya kumpa sheria mbalimbali wana wa Israeli wanapaswa kuanza kuzifuata. Maana kabla ya hapo walikuwa wanaishi tu bila ya sheria yoyote. Kwa kuwa wakati Musa anaondoka kwenye kusema na Mungu hakusema Kuwa atatumia Siku ngapi, au atakaa kwa Siku ngapi atakuwa amerudi hilo hakusema bali aliondoka...

Na Musa ndiye kiongozi mkuu wa ile safari, isingewezekana wana wa Israeli kuondoka kuendelea na safari bila Musa hivyo iliwalazimu kumsubiri tu Musa mpaka atakaporudi kisha waendelee na safari ya kuelekea Kaanani

Hivyo walimsubiri Siku ya kwanza, ya pili, ya tatu, ya nne, ya tano bila Mafanikio bado Musa hakuwa amerejea, waliendelea Kumsubiri na Kuvumilia mpaka siku ya 39 bado hakuwa amerejea kutoka mlimani. Mara baada ya kuvumilia sana mpaka kuchoshwa na uvumilivu wao na kuona hakuna haja ya kuendelea kusubiri sana, mwisho wakapata cha kuamua
KUTOKA 32:1
Hata watu walipoona ya Kuwa Musa amekawia kushuka Katika mlima, wakakusanyana wakamwendea Haruni, wakamwambia, haya katufanyizie miungu itakayokwenda mbele yetu kwa maana Musa huyo aliyetutoa Katika nchi ya misri hatujui yaliyompata..
Haya ndiyo maamuzi ambayo wana wa Israeli waliposhindwa kusubiri na Kuvumilia mpaka Musa arudi. Lakini kuna funzo kubwa Sana ambalo Nataka nikushirikishe ambalo linaweza kukusaidia kwa namna Moja au nyingine

Siku ile ile ambayo walichukua uamuz wa kutengeneza ndama na kuiabudu baada ya kuona Kuwa Musa amekawia kushuka NDIYO SIKU HIYO HIYO MUSA ALIKUWA ANASHUKA TOKA MLIMANI. Tunaona hapa

KUTOKA 31:18
Hapo BWANA alipokuwa amekwisha zungumza na Musa Katika mlima wa Sinai, akampa Hizo mbao mbili za ushuhuda, mbao mbili za mawe zilizoandikwa kwa chanda cha Mungu..
Kumbe ni siku ile ile ambayo Musa alikuwa anajiandaa Kurudi ndiyo Siku hiyo, nao wana wa Israeli walitengeneza na kuiabudu ndama


Kumbe wangevumilia kidogo tu kile ambacho walikihitaji wangekipata, Pia Walivumilia Siku nyingi lakini wakati Siku ya Muujiza wao umefika wakawa wametoka nje ya mstari..
Ndivyo ilivyo wengi leo wanavyopishana na miujiza yao kwa KUSHINDWA KUVUMILIA mpaka Siku ya mwisho wanavumilia lakini wakati wao wa kupata miujiza yao inapokaribia wanakuwa wameshatoka nje ya mstari.. Kwa kutengeneza ndama

Inawezekana mpendwa labda Musa wako ni ndoa umekaa muda pasipo kupata Mchumba, labda ni kazi, fedha, sikia nikwambie Endelea kuvumilia na kusubr mpka Musa wako ashuke mlimani usije ukaamua kutengeneza ndama, ukasema sasa yeyote tu atakayetokea mimi huyohyo, au ukaamua kufata njia unazozijua wewe mwenyewe

Wengi leo wanaoomba wanapishana na miujiza yao pale wakiona kimya wanakata tamaa, lakini Siku ile wanapokata tamaa na Kuacha kuomba kumbe hawajui Siku ya miujiza yao imekaribia
Haijalishi ni nini umesubr kwa Mungu na kwa muda gani hakijatokea USIACHE kuvumilia na kusubr maana hujui ni linii Muujiza wako utafika

Imeandikwa na Mwalimu Exon Albert-0656286062
Imesahihishwa na Barnabas Gwakisa